黃嘉樂演HeHe情勁搶鏡現實是暖男為女友做盡窩心事

黃嘉樂在《我家無難事》有不少搞笑情節，當中他與楊明一段HeHe情備受關注，黃嘉樂無論演技及造型都被網民激讚兼推舉做男一，成功在一眾演員中脫穎而出﹗現實中，黃嘉樂也是一個暖男，有一個拍拖四年的攝影師女友，為送生日驚喜更連底底都幫女友安排，是百分百好男友﹗

文：東方新地｜圖：黃嘉樂IG、Samantha IG

閱讀全文

《我家無難事》中黃嘉樂和楊明呢段HeHe情成焦點，黃嘉樂在劇中與楊明計劃合力搞生意，更搬去同楊明「同居」，加上黃嘉樂一身粉紅姣爆裝扮，浮誇又搞笑﹗被觀眾讚演技出色又有層次﹗獲網民一致正評兼推做男一：「有冇機會做男一？」、「幾靚仔，無綫欠呢啲型男小生」、「可造之才」、「似啱啱出道嘅黎諾懿」、「咁靚仔又有演技點解唔捧做男一？」！

黃嘉樂在《我家無難事》造型已經好爆笑﹗（圖片來源：《我家無難事》截圖）

黃嘉樂在《我家無難事》和楊明有一段超出兄弟情的「感情線」，十分惹笑﹗（圖片來源：《我家無難事》截圖）

黃嘉樂接受訪問時指與楊明在《我家無難事》並非同性戀，只是楊明未有戀愛經驗，大家又太好感情太好朋友，導致有時候也搞不清自己性取向，可以肯定的是黃嘉樂在劇中是一個細心暖男，對楊明體貼又照顧周到。現實中，黃嘉樂也是一個體貼入微的男友，對女友做盡窩心事﹗

黃嘉樂和女友Samantha今年5月拍拖四周年，特別影輯靚相留念，黃嘉樂留言：「謝謝妳的相伴無言感激#4周年紀念日 #唔係唔放閃呀。」（圖片來源：黃嘉樂IG）

與攝影師女友Samantha（江惠賢）拍拖四年的黃嘉樂，唔止係暖男，仲係心思男。去年尾Samantha生日，黃嘉樂準備了一個大驚喜，book定酒店同女友度春宵，生日汽球同蛋糕當然唔少得，最驚喜是黃嘉樂竟為女友準備定化妝品、護膚品，仲有過夜最緊要的底褲，Samantha在社交網高調開心share，以女友視角公開黃嘉樂給她的驚喜，並大讚男友好sweet。

41歲的黃嘉樂，花盡心思為攝影師女友Samantha慶生，好男人形象盡現。

去酒店Staycation已成風氣，無視疫情，大時大節要去，生日就更加要去，出名錫女友的無綫小生黃嘉樂，去年尾趁女友Samantha（江惠賢）牛一，即使要為新劇《我家無難事》開工，都花心思計劃好慶生節目，為的是給女友一個驚喜。

去酒店Staycation第一晚踏正午夜12時Samantha已經切咗一個蛋糕，正日下午再撐檯腳，飯後又切多個，加埋情深一吻，Samantha冧到爆。

黃嘉樂女友Samantha在社交網高調出post，大曬與黃嘉樂怎樣與她慶生，原來當天黃嘉樂扮遲收工又乜都冇準備，查實已經Book定酒店兼布置好，假裝約女友去睇戲，點知唔識講大話的黃嘉樂即場自己拆穿自己。Samantha上載了一段視頻上社交網，見到她被黃嘉樂帶到酒店房後，見到房內的生日汽球布置冧爆，Samantha仲留言：「上到去見到我要用嘅落妝搽面底底(底褲)瞓覺衫乜都帶曬畀我，真心覺得你好得意好細心好sweet。」為了畀Samantha驚喜，黃嘉樂連底褲都幫女友執埋去，係細心同抵讚嘅！